أول فديو علي اليوتيوب قناتي بتتكلم عن ايه
أولا كده حابب اعرفكم بنفسي،انا : كامل،طالب بكلية الهندسة الالكترونية بمنوف،بحب التكنولوجيا،وبحب اتعلم الحاجات الجديدة واعرف بتشتغل ازاي ،واتمني ان كل الناس تتعلم وتبقي احسن ونحسن من نفسنا بنفسنا علشان نوصل .
بغض النظر بقي عن المقدمة اللي فاتت بس انا بحب ارغي شوية ههههههههههه.
- فكرة القناة كانت عندي من سنة تقريبا لما كنت بتفرج علي اليوتيوب كتير اوي وعجبتني الفكرة جدا جدا .. (بيني وبنكم انا بحب اتكلم مع نفسي كتير اوي ) فقولت ليه معملش قناة اتكلم فيها عن الحاجات اللي بحبها ومن هنا جت فكرة قناة البشمهندس ،ولكن اتاخرت في تنفيذ الفكرة دي لاني كنت في 3 ثانوي ،وعدنا في مصر عامة الثانوية العامة دي كارثة ولازم تذاكر وحاجات كتير اوي مش صح طبعا ،بس انا قولت اول ما اخلص الثانوية العامة اعمل القناة ،وفعلا جهزت كل الامكانيات اللي من خلالها اعمل قناة هادفة علي اليوتيوب .
-وحبيت اتكلم في القناة دي عن الاتي
*التكنولجيا والحاجات الغريبة اللي فيها وشوية حاجات كده نفهمها مع بعض .
*الثانوية العامة لاني كنت طالب ومريت بتجربه الثانوية العامة وحابب اشاركها مع الناس .
*تنمية وتطوير شخصيتك وازاي تطور من نفسك ومن امكانياتك علشان تحقق حلمك.
*تجارب بتحلي سواء في الحياة اليومية او في الشؤراء اونلاين او اي حاجة تانية .
......... ونيجي بقي لاسم القناة ................
علي فكرة انا احترت جدا في اختيار اسم القناة بتاعتي ،كنت عاوز اسميها خرابيش وفعلا كنت هعمل كده بس للاسف لقيت فيه صفحة علي الفيس بوك ليها نفس الاسم ، فبعدها اخترت اسم " البشمهندس " اه وعلي فكرة ( البشمهندس مفيهاش الف بعد الباء هههههه) بس ما علينا يعني ، اتمني فعلا من كل قلبي ان قناتي تعجبكم وتستفادوا منها واكون قادر اني اوصلكم رسالة هادفة ترتقي بكم وتليق بمتابعتكم ليا .
--------- نيجي بقي للمدونة -----------
المدونة دي بالنسبة ليا هي المكان التاني بعد اليوتيوب اللي هنشر فيها شغف عندي تجاه حاجة انا مش قادر اعمل عليها فديو ، لان الفديوهات بتاخد وقت كبير جدا مني ، وكمان موضوعات الفديوهات نفسها اللي علي اليوتيوب هتلاقوها هنا ، مكتوبة ومنسقة لو فيه حاجة انا مش موضحها في الفديو هتلاقوها هنا في المدونة .
******** من الاخر كده قناة اليوتيوب بتكمل المدونة والعكس ********
وبس متنسوش تشتركوا في المدونة عن طرية انك تسجل اميلك تحت .... وكمان تشتركوا في قناة اليوتيوب من هنا
واخيرا : اسبكم مع اول فديو علي اليوتيوب اللي بتكلم فيه عن محتوي القناة اتمني انه يعجبكم .